Lilu di Alaman

‘LILU DI ALAMAN”

Carito Nisi “Merlep”

Cerita ini hanya fiktif belaka, jika ada kesamaan tokoh itu adalah unsur kesengajan, jika belum dewasa jangan membaca tulisan ini, apa lagi bukan orang Padang Lawas. Jika anda setuju

Ketik: DOA (spasi) AKSI. Kirim ke 24434

Sattabi sappulu sappulu noli hami marsattabi, tu tua sahala ni raja, anak ni namora, tarlobi tarpasurungon tu Oppui tuppuan ni burangir sian bagas godang. Partama-tama sebagai hambo ni Tuhan Nalemah, hu ajak hita sasudena anso mansukuri nikmat nadung ni lehen ni Tuhan ta. Tuhita tarlobi hngga saat on hita leng bisa dope marsuo hata, lewat tulisan on. Hami inda lupa mangucapkon Sholawat salam Tu Nabi Muhammad SAW. Masongon Bupati Namarpidato hurasa bo!

Tulisan on sangajo di buat attap bia adong namarnida, pandok ni Opputta narobi,

Tangan do botoon

Namarujungkon jari-jari

Hata do sidohonon

Ujung nai do tapasari sari

Masuk!!!

 Namangolu didunia on nadong imbar na songon roda ni padati, sakali tu toru, sakali tuginjang. Marputar jalan torus, sampe tokkin nai tibo di waktuna. Arian borngin, torus marputar. Musim udan madung ro, gatti ni musim asap nalewati. Molo di hami on di padang lawas mulai ma musim marsaba, harana di hami on nakkon naro do udan baru bisa marsaba.

Tapi di hamuan do sungai Barumun namar muara tu laut Hindia?

 Nia tuau!

 Ulu na do di hamian, tai Uluan nami inda marnida nikku le!!! Inda tarida ia aek barumun nagodang, harana di tutupi Baung, Lelan, Landia,udang Gala. Namar mayam di alaman Bolak.

Di taon 2008 resmi ma hami manjadi Kabupaten nabaru, saudara kembar ni PADANG LAWAS UTARA., nahuboto sanga ise siakkaan da, molo Paluta tanggal 28 November i dope Horja godang halei, Ulang Tahun saro Melanesiana. Tolu taon dung tarpilih uluan nami tarbege makabar na dipio pak polisi tu Kota Medan. 2014 tarpili busengan ma uluan nami napaduaon, maroban harapan anso Padang lawas on manjadi huta namaju. Motto nami “BERCAHAYA” Beriman Cerdas Berbudaya. Dua taon ma , dung putaran na paduaon hami maruluan tu Sibuhuan. CAHAYA na hami harapkon leng naso tarida dopena. Dukke lui pambaen ni asap naroha mada kadang, sanga haran ni aek barumun namagodang torus! Magodang godang sawit i uda nisi Merlep, Bo narohakku mada.

Molo di tatap tu daerah SOSA, PT. Kobun Sawit, Karet. aha ma nabolak. Songoni busengani Di Barumun Tengah. Sadarion  natar lewati gari! Di Garingging Luat Ni Utterudang namar kecamatan Tu Barumun Tengah adong buse dope Pertambangan Minyak. Satiop hari nadong mattak na Ihan, sian barumunan mar kaluaran. Akasia baru di tumbang dope! Natar pajojor beda pak hakim, bahat na Sumber daya Alam (SDA) ni Padang lawas on.

Gosoni he amben kehe na makmur hita?

nisi MERLEP mada!

Bia ma hubaen panjawabna, naron mapultak buse bibirku molo sala jawab,  sian dia ma makmur hita kawan, dung do sorang hita, namar tugel sajo ma amatta dohot inatta. Dilehen pe hepeng so di tabusi ia baju nia, nalalui manabusi na. Tong gosoni ni Oppungta di Jakarta.  tulisma sanga aha cita-cita mu, naget baennon mu holong ate mu tu huta man ninna! Songon pandokkon ni halei sian SENAYAN JAKARTA RPJPD (Rencana Pembangunan Jangka Panjang) mambaen i pe nalaluia. Songon anak doya – doya, hapengan nakkon nadi sulangan mangan.

18 nai huta di eks Barteng naso tarjama ni otonomi dope, , di antarana Pitu (7) Huta di luat ni Barumun Tengah, ima, Huta Hutaruhom, Gading, Parannapa Jae, Parannapa Dolok, Bire, Sibottar, dan Desa Salean. Sabolas (11) Huta nai di luat ni Sihapas Barumun, pemekaran sian Kecamatan Barumun tengah, ima, Huta Balangka Dolok, Ujungpadang, Balangka, Silenjeng, Tanjung Morang, Simaninggir, Ujung Gading, Padang Hasior Lombang, Sitadatada, Dusun Tamosu Desa Padanghasior Dolok dan Desa Lubuk Gotting.

Molo get tusi uda, Nisi Merlep!

Marpadati do uda! Molo kareta, motor, nabisa lewat ibe, ari parudan on tarlobi-lobi, songon namarlotca doma dalan i, nia!!!

Bo biadoma Tungganetta di sadun?

Nada beda be anggi namangoluon!

Hugeol pe hugeol murpegol

Nada bedabe namar palas on

Murborat do namar panti on

.

On mada rohakku nadi dokkon ni Karni Ilyas di ILC, “nguasan itik di ginjang tobat, malean manuk di taloban eme”. Karet, sawit, eme, sayur sayur nadeges ma, pambaen ni dalan i, murah meriah, muntah jadina da pak Hakim, porroha margatti parabiton, natar tabusi be baya, balanjo nidaganak nasikola dope sude pikirkononku, nisi merlep baya di tapian nan.

70  (pitu Pulu) taon ma hami dung merdeka sian penjajah NIPPON, Bolanda, di taon 1945 tepatna merdeka mahami, 2008 merdeka buse ma hami sian Tapanuli Selatan, go na salah etong, 8 taon ma hami . molo sawit na disuan, mamandodos gari, molo eme, nasanga pe gali manyabi be.

Tong aha de tanda na dung mekar hita?

Narohamu tongan idia de hurang ni on uda? Nisi merlep!

Idangge dalan nai napture i naporlu da!

Jolma na bisa mambaen dalan  i do naperlu, bahasa Hamian SDM na. Mulai sian namenek menek na, SDM nai nakkon najeges doi,  Kapala Desa, Camat, Apalagi Bupati na!

Go soni! Na lilu di alaman mada hita on uda?

Tarsongoni ma! Ulang nian gari soppat “ oto natarajaran, pistar na tar parguru”

 Narohakku sai majolo, ma mate buse lampu bo!!! Sanga andigan hita patorus carito nai!!!